الرئيسية / ثقافة / عشانك أنتي يا بلدي

عشانك أنتي يا بلدي

شعر الشاعر الغنائي/  محمد علي راشد

 

 

تغيب الشمس يا بلدي        يروح الأمس من يدي

وبأيديه ,   وبعنيه            أنا باقي علي عهدي

عشانك أنتي يا بلدي

عشانك أنتي يا بلدي        تروح روحي ,يروح ولدي

وأكون الجسر وتعدي      وتحيي في الأمان بعدي

وبأيديه ,     وبعنيه         أعيش باقي علي عهدي

عشانك أنتي يا بلدي

صفوف ماشية من الثوار    وقدامها شباب أحرار

في روحهم سعد والمختار    ينسوهم لهيب النار

وبأيديه ,وبعنيه                 أنا باقي علي عهدي

عشانك أنتي يا بلدي

سنابل زرعنا الأخضر       ح ترجع تاني وتزهر

وتملي أرضنا اكتر             وصوت الحق بيكبر

وبأيديه وبعنيه                  أعيش باقي علي عهدي

عشانك أنتي يا بلدي

ح أصبح ع الليل قواني        وخد بأيدي وهناني

و ح ابعد ع اللي ينساني       ويسبني امشي وحداني

وبأيديه وبعنيه                  أنا باقي علي عهدي

عشانك أنتي يا بلدي