الرئيسية / تحقيقات / أزمة المياه فى فاقوس تصيب الاطفال بالامراض

أزمة المياه فى فاقوس تصيب الاطفال بالامراض


 

 

الشرقية — كريمه سرحان :

لاشك ان المياه هى روح الانسان ولا يمكن للانسان المعيشة بدون المياة وانقطاع المياه يسبب الكثير من المشاكل وتعثره فى قضاء احتياجاته اليومية بدون المياه وايضا يسبب الكثير من الامراض وايضا يعطله عن تادية الصلاة ويقصر فى واجباته تجاه ربه

وانقطاع المياه بصفة متكررة وعلى فترات طويلة وسنين طويلة مما سبب ازمة فى انقطاع المياه فى مركز فاقوس – محافظة الشرقية ببعض المناطق مثل منطقة شارع الدروس – ابو غنية – كفر البلاسى – فاقوس البلد – المنشية – عزبة ابوخليل وكثير من المناطق  والسؤال الذى يطرح نفسه من الاهالى هل المسئولين سوف تستجيب وتحل المشكلة ؟

لقد فقدنا الامل فى المسئولين كلهم سامعينا وعارفين مشاكلنا لكن مفيش حد عايز يحل مشكلتنا

 

وأثناء حواري مع كثير من الاهالى فى بعض المناطق : –

قالت السيده (و) المقيمة بمنطقة شارع الدروس حسبنا الله ونعم الوكيل المياه بتقطع عنا طول اليوم من الساعة الثامنه صباحا وبتيجى اوقات كثيرة حوالى الساعة 4 الفجر وهذا لا يرضى الله ولما بتيجى نفتح الحنفية لمدة ساعة او اكثر لان المياة بها رواسب سوداء واوقات لونها يكون اصفر واحنا عيشتنا بجد صعبة وغير محتملة بدون المياه لان لا يمكن انسان يقدر يعيش بدون مياه

 

وقالت السيده ( س) المقيمة بمنطقة فاقوس البلد دى حاجة مش ترضى ربنا انقطاع المياه وكمان بندفع فواتير المياه فى مواعيدها ونفس المبالغ التى تدفعها الناس الذين يوجد لديهم مياه هى فين المياه احنا مش بنشوفها دى دايما مقطوعه وكمان المشكلة دى من زمان تقريبا من سنة 1990 ولم يوجد حل من المسئولين ولا حد حاسس بالشعب ولا الناس الفقيرة حتى المياه مش لاقينها ربنا يصبرنا على العيشة وعلى المسئولين ربنا ينتقم من الظالم هى الناس هتعمل ايه مش كفاية غلاء الاسعار وكمان المياه مقطوعة مش عارفين نشرب ولا ناكل ولا حتى نتوضا  طيب فرض ربنا مش عارفين نأدية علشان خاطر المسئولين 

 

وقالت السيدة ( هـ) المقيمة بمنطقة كفر البلاسى المياه تنقطع من الساعة 7 صباحا وحتى الثانية عشر بعد منتصف الليل ولم توجد مياه لاحضار الطعام ولا للشرب ولا الاستحمام وهذا يؤدى لعدم النظافة وظهور الامراض وانتشار الحشرات فى المنزل وفواتير المياه هى هى بتزيد مش بتقل والمياه لم توجد فى البيوت واوقات المياه تنقطع ب 24 ساعة وانا لوحدى فى العمارة مفيش حد ساكن معايا علشان اقول الضغط ضعيف

 

وقالت السيدة ( ج) المقيمة بابو غنية الناس اضطرت لتركيب المواتير لوصول المياه للادوار العليا وهذا ايضا تسبب فى انقطاع المياه ولما بتيجى بتكون ضعيفة جدا وهذا سبب لنا مشكلة وكمان احنا مش قادرين نشترى ماتور للمياه لان مرتب زوجى 350 جنية فى الشهر ويكفى احتياجاتنا بصعوبه وربنا عالم بحالنا وحسبنا الله ونعم الوكيل فى المسئولين

 

وقالت السيدة ( د) المقيمة بمنطقة  المنشية بجد حرام عليهم انقطاع المياه طول النهار وهذا لم يرضى الله وبنكون عايزين نتوضا ونصلى ولم نجد المياه حتى للشرب والاطفال الصغار لم يوجد مياه لاستحمام الاطفال وهذا يؤثر على صحتهم الجسمية  وعندى اولادى بيتعالجوا من الحساسية والامراض لعدم وجود مياه علشان الاستحمام ودى مشكلة كبيرة بالنسبة لنا